វចនានុក្រមខ្មែរ កំណែ ២.០ ត្រូវបានបង្កើតឡើងដោយវិទ្យាស្ថានពុទ្ធិសាសនបណ្ឌិត្យ ដោយមានការសហការពីវិទ្យាស្ថានបើកទូលាយ ស្របតាមគោលនយោបាយអភិវឌ្ឍន៍លើគ្រប់វិស័យរបស់រាជរដ្ឋាភិបាលកម្ពុជា ដែលដឹកនាំដោយ សម្ដេចអគ្គមហាសេនបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង មានការចង្អុលបង្ហាញពីសំណាក់ ឯកឧត្ដម សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី និង ជាប្រធានគណៈកម្មាធិការជាតិភាសាខ្មែរ ហើយថែមទាំងមានការឧបត្ថម្ភគាំទ្រដោយ ឯកឧត្ដម មិន ឃិន រដ្ឋមន្ត្រីក្រសួងធម្មការ និងសាសនា ។ វចនានុក្រមនេះបានចេញផ្សាយនៅឆ្នាំ ២០០៩ ។
នៅក្នុងកំណែទី ២ នេះ វិទ្យាស្ថានពុទ្ធសាសនបណ្ឌិត្យបានបន្ថែមនូវលក្ខណៈមួយចំនួនដូចជា៖
១. អ្នកអានអាចធ្វើឲ្យតូច ឬធំបាននូវទំហំកម្មវិធីលើអេក្រង់កុំព្យូទ័រ
២. ការដាក់កំណត់ចំណាំ
៣. ការបន្ថែមពណ៌លើ ថ្នាក់ពាក្យ, សូរប្រកប, ប្រភពពាក្យ និងកូនពាក្យដែលមាននៅក្នុងប្រអប់និយមន័យ ដើម្បីបង្កលក្ខណៈងាយស្រួលដល់អ្នកស្វែងរកពាក្យនីមួយៗ
៤. បានសាកល្បងបន្ថែមនូវពាក្យ ឬកន្សោមពាក្យចំនួន ៤០០ពីលើពាក្យដែលមានរួចទៅហើយក្នុងវចនានុក្រមនេះ ។ ពាក្យទាំងនេះ បានមកពីពាក្យទាំងឡាយនៅក្នុងវចនានុក្រមខ្មែរ សម្ដេចព្រះសង្ឃរាជ ជួន ណាត ក្នុងគ្រាបោះពុម្ពលើកទី ៥ ឆ្នាំ ១៩៦៨ ដែលមិនទាន់មាននិយមន័យនៅឡើយ ។
សម្រាប់ព័ត៌មានបន្ថែមសូមចុចត្រង់នេះ
ដើម្បីទាញយកសូមចុចត្រង់នេះ
